नेपालको भौगोलिक विभाजन अनुसार "हिमालपारिको जिल्ला" भनेर चिनिने हिमाली जिल्ला मुस्ताङको सदरमुकाम जोमसोममा प्रदेश आयुर्वेद चिकित्सालय,मुस्ताङ  अवस्थित छ । यस चिकित्सालयको स्थापना वि.सं. २०५८ सालमा तत्कालीन नेपाल सरकार, स्वास्थ्य तथा जनसंख्या मन्त्रालय, आयुर्वेद विभाग अन्तर्गत भएको हो ।

देशमा संघीय लोकतान्त्रिक गणतन्त्र स्थापना पश्चात् यो कार्यालय गण्डकी प्रदेशको सामाजिक विकास मन्त्रालय, स्वास्थ्य निर्देशनालय मातहत रहँदै आएकोमा, हाल गण्डकी प्रदेश सरकार, स्वास्थ्य मन्त्रालय अन्तर्गत प्रदेश स्तरीय चिकित्सालयको रूपमा क्रियाशील छ । यस चिकित्सालयले मुस्ताङ जिल्लाभरका सर्वसाधारणलाई निःशुल्क स्वास्थ्य प्रवर्द्धनात्मक, रोग प्रतिकारात्मक तथा उपचारात्मक आयुर्वेद सेवाहरू निरन्तर प्रदान गर्दै आइरहेको छ ।

विगतमा यस कार्यालयले जिल्लास्थित लोमान्थाङ आयुर्वेद औषधालय र कागबेनी आयुर्वेद औषधालयको आर्थिक तथा प्रशासनिक जिम्मेवारी सम्हाल्दै आएकोमा, संघीयता कार्यान्वयन पश्चात् ती दुवै औषधालयहरू स्थानीय सरकार मातहत हस्तान्तरण भइसकेका छन् ।

साथै,मुस्ताङ जिल्लामा रहेका ५ पालिकाहरु मध्ये आयुर्वेद केन्द्र नरहेका २ पालिकाहरुमा आयुर्वेद सेवा प्रदान गर्न यस कार्यालय अन्तर्गत २ वटा नागरिक आरोग्य सेवा केन्द्रहरु क्रमश : लाेघ्याकर दामाेदरकुण्ड गाँउपालिकाकाे चराङ  र थासाङ गाँउपालिकाे काेवाङमा स्थापना भइ नियमित नागरिकहरूलाई गुणस्तरीय आयुर्वेद स्वास्थ्य सेवा प्रवाह भइरहेको छ ।

• भौगोलिक उपस्थिति: हिमालपारिको जिल्ला मुस्ताङको सदरमुकाम जोमसोममा अवस्थित ।

• स्थापना: वि.सं. २०५८ (तत्कालीन नेपाल सरकार, स्वास्थ्य तथा जनसंख्या मन्त्रालय, आयुर्वेद विभाग मातहत) ।

• वर्तमान प्रशासनिक संरचना: गण्डकी प्रदेश सरकार, स्वास्थ्य मन्त्रालय मातहत प्रदेश स्तरीय कार्यालय ।

• प्रमुख सेवाहरू: जिल्लाभर निःशुल्क स्वास्थ्य प्रवर्द्धनात्मक, रोग प्रतिकारात्मक र उपचारात्मक आयुर्वेद सेवा ।

• स्थानीय तह मातहत हस्तान्तरित निकायहरू: लोमान्थाङ आयुर्वेद औषधालय र कागबेनी आयुर्वेद औषधालय ।

• हाल सञ्चालित नागरिक आरोग्य सेवा केन्द्रहरू:

  • नागरिक आरोग्य सेवा केन्द्र, कोबाङ

  • नागरिक आरोग्य सेवा केन्द्र, चराङ